Elorda mektepterinde bir psıhologqa 850 oqýshydan keledi

NUR-SULTAN. QazAqparat – Otbasyndaǵy janjal kámeletke tolmaǵandar arasynda sýıtsıd áreketterine sebep bolyp jatady. Bul týraly Nur-Sultan qalasynyń Bilim basqarmasy basshysynyń orynbasary Rımma Imanǵazınova málim etti, dep habarlaıdy QazAqparat tilshisi.

«Kámeletke tolmaǵandar arasynda ózine qol salý áreketteriniń basty sebepteri retinde otbasyndaǵy janjal, jasóspirimder mineziniń psıhologııalyq erekshelikteri, sondaı-aq olardyń basqa da adamdarmen kıkiljińi áser etip otyr. Sondyqtan osy problemany sheshý úshin kásibı psıhologtardyń jumysy mańyzdy. Qazirgi kezde qala mektepterinde 209 psıholog qyzmet etip júr», - dedi R. Imanǵazınova qalalyq máslıhattyń turaqty komıssııasynyń otyrysynda.

Osy oraıda ol bir psıhologqa 850 oqýshydan keletinin, bul óz kezeginde balalardy tolyqtaı qamtýda problema bolyp turǵanyn atap ótti.

Basqarma ókiliniń paıymynsha, messendjerlerde sýıtsıdti nasıhattaıtyn kanaldardy buǵattaý men qaýipti saıttardy anyqtaý jumystaryn kúsheıtý kerek.

Budan buryn habarlanǵandaı, 2022 jyldyń 4 aıynda elordada kámeletke tolmaǵandar arasynda sýıtsıd áreketi boıynsha 41 faktini anyqtaldy.

DDSU statıstıkasyna sáıkes, Qazaqstan sýıtsıd sany boıynsha 20-orynda tur, al 10-19 jastaǵy jasóspirimder arasynda 10-orynǵa turaqtaǵan.