Elorda mektebi 4 tonna shaı, ıtmuryn men lımonǵa 20 mln teńge jumsamaq bolǵan
2021 jyly elordalyq sybaılas jemqorlyqqa qarsy qyzmet departamentiniń usynymdary boıynsha memlekettik organdardyń bıýdjet qarajatyn ıgerýine monıtorıng júrgizý aıasynda jalpy somasy 5,3 mlrd teńgege bıýdjet qarajatyn únemdeýge qol jetkizildi.
Júrgizilgen monıtorıngtiń oń áserin eskere otyryp, bul jumys aǵymdaǵy jyly da jalǵasyn taýyp 1 toqsandaǵy jaǵdaı boıynsha bıýdjet qarajatyn únemdeý 481,7 mln teńgeni qurady.
Memlekettik organdar men uıymdardyń memlekettik satyp alý josparynyń monıtorıngi 7 konkýrs boıynsha shekti baǵalardyń kóterilýin belgileýge múmkindik berdi.
Satyp alynatyn taýarlar sany men baǵany kóterýdiń jıi kezdesetin faktileri elordanyń bilim mekemeleriniń memlekettik satyp alý josparynda belgilengen.
Mysaly, 737 oqýshy bilim alatyn Nur-Sultan qalasyndaǵy mektepterdiń birinde 20 mln teńgeden astam somaǵa 4 tonna shaı, 1,5 tonna ıtmuryn jáne 1,3 tonna lımon satyp alý josparlanǵan bolatyn.
Nátıjesinde, sybaılas jemqorlyqqa qarsy qyzmettiń usynymdary boıynsha satyp alynatyn taýarlardyń josparlanǵan kólemi qaıta qaralyp, qysqartyldy. Únem - 99%.
Basqa jaǵdaıda bilim basqarmasynyń mektepke deıingi uıymy 11,2 mln teńgege 250 esikke «dovodchık» alýdy josparlaǵan bolatyn.
Nur-Sultan qalasy sybaılas jemqorlyqqa qarsy qyzmettiń usynymdaryn qaraý, sondaı-aq satyp alý kólemin qysqartý nátıjesinde 10 mln teńge únemdeldi.