Elorda mańyndaǵy qamys órtin sóndirýge tikushaq jumyldyryldy

NUR-SULTAN. QazAqparat - Elorda mańynda shyqqan órtti sóndirýge MI-8 ushaǵy jumyldyryldy, dep habarlaıdy QazAqparat Tótenshe jaǵdaılar mınıstrligine silteme jasap.

«Keshe saǵat 15-te Qorǵaljyn tas joly boıynda, úlken Taldykól kóliniń aýdanynda, shamamen 6,5 ga jalpy alańda qamys órtendi. «Astana Ormany» MKK kúshimen órttiń perımetri boıynsha jer jyrtyldy. Jalynnyń «Nur-Sultan qalasynyń jasyl beldeýine» taralý qaýpi joq. Tótenshe jaǵaıdy joıýǵa TJD jeke quramynyń 122 adamy jáne 30 birlik tehnıkasy men kommýnaldyq qyzmetter jumyldyryldy. Búgin saǵat 8-de Nur-Sultan aerodromynan órtti sóndirý úshin «Qazavıaqutqarý» AQ-tyń MI-8 ushyp ketti», - delingen TJM habarlamasynda.

Elordanyń Esil aýdanyna qarasty Qorǵaljyń tas joly boıyndaǵy órtti sóndirý jumysy kesheden beri jalǵasyp jatyr.

Barlyq quqyqtar qorǵalǵan. inform.kz belsendi siltemeni paıdalanyńyz https://kaz.inform.kz/news/elordanyn-esil-audanynda-kurgak-shop-pen-kamys-ortenip-zhatyr_a3946516