Elorda mańyndaǵy birneshe eldi meken tabıǵı gazǵa kóshedi - ákim
Astana ákimi óziniń jazbasynda elordanyń birqatar eldi mekeninde ınfraqurylymdy damytý máselesi bar ekendigin aıtady. Internatsıonalnyı eldi mekeninde birinshi kezekte jaryqtandyrý, aıaldamalar ornatylyp, qosymsha avtobýs marshrýttary iske qosylady. Qazir magıstraldy sý qubyrynyń qurylysy bastaldy. Magıstraldy sý qubyry aıaqtalǵannan keıin, kvartalishilik jeliler úılerge ótkiziledi. Bul jumystardy 2021 jyly aıaqtaý josparlanǵan.
«Elordada 16 eldi meken bar. Olardy ortalyqtandyrylǵan damytýdan basqa, aýyz sý, káriz, jaryqtandyrý, joldar salý jáne t.b. máselelerdi sheshý qajet. Aýdan turǵyndary jaryqtandyrý, nóser jáne sharýashylyq kárizderin júrgizý, ınternet, gazdandyrý, joldardy, trotýarlardy asfalttaý jáne t.b. sııaqty ınfraqurylym máselelerin kóterdi. Birinshi kezekte jumysty jaryqtandyrý, aıaldamalar ornatý, avtobýs marshrýttarynyń qosymsha sanyn iske qosýdan bastaımyz. Turǵyndarda ortalyqtandyrylǵan aýyz sý berilmegenin eskere otyryp, biz magıstraldy sý qubyrynyń qurylysyn bastadyq. Magıstraldy sý qubyry aıaqtalǵannan keıin, kvartalishilik jelilerdi úılerge ótkizýge kirisemiz. Bul jumystardy 2021 jyly aıaqtaýdy josparlap otyrmyz. Joldardy asfalttaýǵa kirispes buryn, káriz jáne gazdandyrý jumystaryn aıaqtaımyz. Bıylǵy jylytý maýsymynda birqatar eldi mekender gazǵa kóshirile bastaıdy. Protsess birneshe kezeńge bólingen. Turǵyndar kótergen máseleler josparǵa alyndy. Turǵyndarmen kezdesýlerdi barlyq eldi mekenderde ótkizip, qala turǵyndarynyń usynystaryn qalany damytý josparyna engizemiz. Turǵyn úı alaptaryn damytý máselesi Memleket basshysynyń baqylaýynda», - dep jazdy Altaı Kólginov.