«Elorda qurylys» kompanııasynyń basshysy 10 jylǵa sottaldy

<p>ASTANA. KAZINFORM &ndash; Sot úkimine sáıkes &laquo;Elorda qurylys kompanııasy&raquo; JShS bas dırektory R.Kadesovtiń múlki tárkilenip, memleketke 170 mln teńge shyǵyn óteldi. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.&nbsp;</p>

«Astana qalasynyń qylmystyq ister jónindegi mamandandyrylǵan aýdanaralyq soty «Elorda qurylys kompanııasy» JShS bas dırektory R.A. Kadesov pen azamat O.B. Davletovke qatysty úkim shyǵardy. R.A. Kadesov O.B. Davletov arqyly Astana qalasynda kóppáterli turǵyn úı keshenin salý sharty boıynsha avans tólegeni jáne smetany ulǵaıtqany úshin merdiger uıym basshysynan 170 mln teńge somasynda asa iri mólsherde para alǵany úshin kináli dep tanyldy», - dedi Danııar Bıgaıdarov agenttikte ótken baspasóz máslıhatynda.

Sot úkimimen R.A. Kadesovti 10 jyl, O.B. Davletovty 6 aı merzimge bas bostandyǵynan aıyrý jazasy taǵaıyndaldy.

«Sot R.A. Kadesovtyń múlkin quny para somasyna teń tórt avtokólik quraly túrinde tárkiledi, sondaı-aq memleket kirisine 170 mln teńge mólsherinde para somasy óndirildi», - deıdi ol. 

Úkim zańdy kúshine engen joq. 

Eske sala ketsek, 2020 jyly «Elorda qurylys» basqarmasynyń burynǵy basshylary 200 mln teńgeni jymqyrdy degen kúdikke ilingen edi.