Elorda kúnine arnalǵan sharalarǵa BAQ ókilderin tirkeý bastaldy

ASTANA. QazAqparat - Bıyl Elorda kúnine oraı «El júregi - Astana!» uranymen 70 astam shara ótedi. Barlyq sharalar bir taqyryp pen toptamada biriktiriletin bolady. Merekeleýdiń basty taqyryby Qazaq handyǵynyń 550 jyldyǵyna, Qazaqstan halqy Assambleıasynyń 20 jyldyǵyna arnalady, dep habarlady astana.gov.kz.

Astana qalasynyń ákimdigi qala kúnin merekeleýge arnalǵan sharalardy jarııalaýǵa BAQ ókilderin tirkeý bastalǵanyn jarııalady. Arnaıy ruqsatnama daıyndaý úshin jýrnalıster tizimin usyný qajet. Tirkeý 22 maýsymda saǵat 12:00-ge deıin jalǵasady.

Tolyq aqparatty 55-69-71 baılanys telefony arqyly alýǵa bolady.

Elorda kúnin resmı merekeleý 4 shildede Memlekettik týdy saltanatty kóterý rásiminen bastalady. Merekege oraılastyrylǵan sharalar dástúr boıynsha saltanatty otshashýmen aıaqtalady. Ony qalanyń birneshe bóliginen, atap aıtqanda Esil ózeniniń jaǵasynan, «Han Shatyr» saýda, oıyn-saýyq ortalyǵy alańynan jáne Abylaı han dańǵyly men Pýshkın kóshesiniń qıylysyndaǵy saıabaqtan kórýge bolady.