Elorda kúninde Qazaqstan Respýblıkasynyń Ulttyq mýzeıi ashylady

ASTANA. QazAqparat - Astana kúninde Qazaqstan Respýblıkasynyń Ulttyq mýzeıi ashylady. Bul týraly búgin Ortalyq kommýnıkatsııalar qyzmetindegi brıfıngte QR Mádenıet mınıstri Arystanbek Muhamedıuly málim etti.

«6 shildedi Qazaqstan Respýblıkasynyń Ulttyq mýzeıi ashylady. Ol álemdegi eń iri mýzeılerdiń biri bolmaq, ıaǵnı tek kólemi jaǵynan ǵana emes, maǵynalyq turǵydan alyp qaraǵanda mańyzdy nysan. Osynda kóne dáýirden bastap, qazirgi Qazaqstannyń tarıhyna deıingi aralyq qamtylady»,- dedi mınıstr.

Vedomstvo basshysy mýzeıde 14 zal bar ekenin jáne olarda elimizdiń tarıhynan syr shertetin qundy jádigerler qoıylǵanyn atap ótti.

«Bul mýzeıdiń ereksheligine toqtalatyn bolsaq, árıne, biz Táýelsizdik alǵannan bergi ózimizdiń jetistikterimizdi keńinen kórsetýimiz kerek. Atap aıtqanda, sporttyq, ǵylymı, bilim, ónerkásiptik jáne basqa da kóptegen jetistikter osy jerde kórsetýimiz qajet», -dedi A. Muhamedıuly.