«Elorda kýbogy» týrnırinde «altyn» alǵan boksshylar qansha tabys tapty
09:33, 03 Shilde 2023
ASTANA. QazAqparat – Astanada ótken «Elorda kýbogy» halyqaralyq týrnırinde altyn medal alǵan boksshylardyń júldesi belgili boldy, dep habarlaıdy QazAqparat Sports.kz-ke silteme jasap.
Erler men áıelder arasyndaǵy chempıondar 700 dollardan, kúmis júldegerler 400 dollardan, qola júldegerler 200 dollardan aldy. Erler arasynda segiz boksshy «altyn» aldy: Temirtas Júsipov, Sáken Bıbosynov, Tımýr Qabdesh, Mahmud Sabyrhan, Ertýǵan Zeınýllınov, Nurqanat Raıys, Abzal Quttybekov jáne Saǵyndyq Toǵambaı.
Áıelder arasynda ótken týrnırde segiz boksshy chempıon boldy: Alýa Balqybekova, Nazym Qyzaıbaı, Jaına Shekerbekova, Vıktorııa Grafeeva, Rımma Volosenko, Natalıa Bogdanova, Jasmın Qızatova jáne Eldana Tálipova.
Osylaısha, Qazaqstan erler men áıelder quramasyndaǵy chempıondardyń jalpy júlde qory 11 200 dollar boldy.