Elorda kóshelerin kútip ustaý úshin qansha qarajat kerek

NUR-SULTAN. QazAqparat – Elorda kóshelerine ortasha jóndeý júrgizip, jaqsy deńgeıde ustap turý jylyna qansha qarjyny talap etedi? Bul suraqqa Nur-Sultan qalasynyń kólik jáne jol-kólik ınfraqurylymyn damytý basqarmasynyń basshysy Jansultan Saparbaev jaýap berdi, dep habarlaıdy QazAqparat tilshisi.

«Kelesi jyldan bastap elorda kóshelerin ortasha deńgeıde jóndeýge bólinetin qarjy lımıtin kóterýdi surap otyrmyz. Buǵan deıin jyl saıyn kóshelerdi ortasha jóndeý jumysyna 5 mlrd teńge bólinip keldi, bıyl ol soma 8 mlrd teńgege deıin ósti. Endi 2022 jyly bólinetin qarjy kólemin 10 mlrd teńgege arttyrýdy suraımyz. Bul qarajatqa qalanyń 100 kóshesin ortasha jóndeýge bolady. Onyń ishinde jóndelýi kerek 63-65 kóshe turǵyn úı alaptarynda ornalasqan. Jalpy elorda kósheleriniń jaǵdaıyn jaqsy deńgeıde ustap turý úshin jyl saıyn 10 mlrd teńgege jýyq qarjy bólý kerek. Bul - tek ortasha jóndeý jumysyn júrgizý úshin», - dedi Jansultan Saparbaev elorda máslıhatynyń turaqty komıssııa otyrysynda.

Onyń aıtýynsha, qalada 5-7 jyl boıy ortasha deńgeıdegi jóndeýden ótpegen kósheler bar.

Sondaı-aq, atalǵan jıynda qalanyń ortalyq stadıonyn qaıta jańartý jumysy nege sozylyp ketkeni aıtyldy.

Odan bólek, Nur-Sultandaǵy kómir tapshylyǵynyń sebebi túsindirildi.