Elorda komandasy órt sóndirý-qutqarý sportynda el kýbogyna ıe boldy

NUR-SULTAN. QazAqparat - Aqtaý qalasynda ótken erler men áıelder arasyndaǵy úsh kúndik órt sóndirý-qutqarý sporty boıynsha kýbok týrnıri qorytyndylandy, dep habarlaıdy QazAqparat QR Tótenshe jaǵdaılar mınıstrligine silteme jasap.

«Órt sóndirý-qutqarý sporty boıynsha Qazaqstan Respýblıkasynyń kýbogine arnalǵan týrnırde erler arasyndaǵy jalpykomandalyq esepte Qyzylorda oblysynyń komandasy qola júldeger atandy, kúmis júlde Shyǵys Qazaqstan oblysynyń komandasyna buıyrdy, altyn medal ıegeri – Nur-Sultan qalasynyń sportshylary. Áıelder arasyndaǵy jalpykomandalyq esepte qola júldeni Almaty qalasynyń komandasy ıelendi. Ekinshi júldeli oryn Túrkistan oblysynyń komandasynda. Jeńimpaz – Nur-Sultan qalasynyń komandasy», - delingen vedomstvo habarlamasynda.

Eske salsaq, almatylyq órt sóndirýshiler taktıkalyq oqý-jattyǵý daıyndyǵyn ótkizdi.