Elorda halqynyń sany 2030 jylǵa qaraı eki mıllıonǵa jetýi múmkin
«Bir qyzyǵy, ol kezde elorda emes, oblys ortalyǵynda jergilikti aqparatta «biz búgin osy qalada 6 balany dúnıege ákeldik» dese, qazir kúnine 60 baladan artyq dúnıege keledi. Sondyqtan qalada bala týý sany 8 eseden asyp ketti. 8 jarym esege jetip qaldy. 1998 jyly qalada 4200-den astam bala týsa, 2019 jyldyń 5 aıynda 12 myń 600 bala týyp otyr. Aıyrmashylyq óte úlken», - deıdi Nur-Sultan qalasy densaýlyq saqtaý palatasynyń atqarýshy dırektory Qarshyǵa Qulmuqanov.
Dúnıege kelgenderdiń qatary 8 esege artsa, ólim-jitim kórsetkishi kemidi. Bala ólimi 4 esege, ana ólimi 2 jarym esege azaıdy. Elordadaǵy halyqtyń sany bir jylda ortasha eseppen 50 myńnan 100 myńǵa deıin kóbeıip otyrady. Tıisinshe 21 jylda qalanyń aýmaǵy 3 esege ósken.
Endi bilim salasy. 21 jyldyń ishinde bas qalada 67 mektepke deıingi bilim berý mekemesi 70 mektep pen 2 kolledj jáne ozyq úlgidegi oqýshylar saraıy salyndy. Balabaqshadaǵy búldirshinderdiń sany 20 jylda 50 myńǵa ósti. Memlekettik bóbekjaılardyń qatary alǵashqy jyldary 13 bolsa, búginde 94-ke jetti.
«Memlekettik balabaqshalarmen qatar jekemenshik balabaqshalardyń sany ósti. 21 jyldyń ishinde 229 jekemenshik balabaqsha ashyldy. ıAǵnı osy jekemenshik jáne memlekettik balabaqshalardyń sanynyń kóbeıýi arqasynda biz balalardy balabaqshamen qamtýdy 90 paıyzǵa jetkizdik»,- dedi Nur-Sultan qalasy bilim basqarmasy basshysynyń orynbasary Dýlat Jekebaev.
Endi turǵyn úı ósimin aıtaıyq. Elordada 1998 jyly halyqqa jalpy aýdany 139 myń sharshy metr bolatyn 1308 páter berildi. Sodan kúni búginge deıin qala turǵyndaryna 205 myń 410 páterdiń kilti tabystalypty.
«Tek 2018 jyly jalpy aýdany 2 mıllıon 378 myń sharshy metr 23 myń 360 páterli 126 úı paıdalanýǵa berildi. 2019 jyly qarjylandyrýdyń barlyq kózderi esebinen, onyń ishinde «Nurly jer» baǵdarlamasy aıasynda 1 mıllıon 700 myń sharshy metr turǵyn úıdi paıdalanýǵa berý josparlanyp otyr», - dep atap ótti Nur-Sultan qalasy ákiminiń apparaty jıyndyq-taldaý bóliminiń bas ınspektory Dáýren Kerimbekov.
Elordalyqtar jylyna shamamen 900 myń tonnadan artyq ónim tutynady. ıAǵnı bas qalanyń turǵyndary bir kúnde 2 jarym myń tonna azyq-túlik satyp alady. Elorda ózin-ózi tamaq ónimderimen 22 protsentke qamtyp otyr.
Al azyq-túlik beldeýine kiretin Aqmola men Qaraǵandy oblystary el astanasyn túrli taǵammen 31 protsentke qamtamasyz etip keledi.
«Osy jyldyń bes aıynyń kórsetkishi boıynsha 57 myń tonnadan astam ónim ákelingen bolatyn osy azyq-túlik beldeýinen. Sonymen qatar qalǵan 47 paıyzyn elimizdiń basqa oblystary men ımport taýarlar bolyp keledi», - deıdi Nur-Sultan qalasy ınvestıtsııalar jáne kásipkerlik basqarmasynyń bas mamany Azamat Ráshıtov.
Aıta ketsek, osy kezge deıin elordada 3,2 trıllıon teńgeniń ónerkásiptik ónimi shyǵaryldy. Ónim óndirý kólemi 21 jylda 30 esege ósti. Barlyq salasy ilgeri damyp jatqan elorda halqynyń sany 2030 jylǵa qaraı 2 mıllıonǵa jetip, 2050 jyldary 3 mıllıonnan asady degen boljam bar.