Elorda dárigerleri koronavırýsqa shaldyqqan aýyr haldegi naýqasty aman alyp qaldy

NUR-SULTAN. QazAqparat - Úki Mersaǵatova 63 jasynda ómir men ólimniń arasynda qaldy. Ótken jazda ol vaktsınatsııadan qorqyp, ekpe alýdan bas tartqan. Qaýipti vırýs ony aınalyp ótip ketedi degenge senim artqan eken. Ekpeden bas tartqannan keıin ary qaraıǵy jaǵdaıyn boljaýdyń da qajeti joq edi. Naýqas aýyr jaǵdaıda reanımatsııaǵa tústi, dep habarlaıdy QazAqparat elorda ákimdiginiń resmı saıtyna silteme jasap.

Dárigerlerdiń aıtýynsha, naýqastyń jaǵdaıy kúrt nasharlaǵan. Úsh apta boıy dárigerler qolynan kelgenniń bárin jasady.

«Vırýsty juqtyrǵan kezde onyń jasy, artyq salmaǵy, qant dıabeti jáne joǵary qan qysymy jaǵdaıdy qıyndatyp jiberdi. Haliniń kúrt nasharlaǵanyna baılanysty reanımatsııaǵa jiberilip, operatıvti túrde em aldy. Jaǵdaıy turaqtanǵannan keıin ony qarapaıym palataǵa aýystyrdyq. Onda ol qazirdiń ózinde ottegi terapııasyn, basqa da emdeýden ótti. Mine osydan keıin ǵana úıine jiberdik», – dedi dáriger Sapargúl Berdeshova-Ábildaeva.

Aman-esen saýyǵyp shyqqan ol otbasyna oralǵany úshin aýrýhananyń búkil medıtsına qyzmetkerlerine alǵys aıtty.

Naýqas óziniń aman qalǵanyn jáne dárigerlerdiń arqasynda týystarynyń ortasynda júrgenin aıtty.

«Eger dárigerler tıisti deńgeıde emdemese ary qaraı ómir súre almas edim. Aýrýhanada jatqanymda jaqyndarymdy endi kórmeımin dep qoryqtym. Dárigerlerdiń bárine alǵysym sheksiz. Meni emdep, aman-esen shyǵarǵandaryńyz úshin raqmet, endi otbasymmen birge bola alamyn!» - dedi Úki Mersaǵatova.