Elorda dámhanalarynda bir ústelde 4 adamnan artyq otyrýǵa bolmaıdy

NUR-SULTAN. QazAqparat – Nur-Sultan qalasynda tamaqtaný oryndarynda bir ústeldiń basyna 4 adamnan artyq jınalýǵa bolmaıdy. Bul týraly Nur-Sultan qalasynyń bas memlekettik sanıtar dárigeri Sarhat Beısenova málim etti, dep habarlaıdy QazAqparat tilshisi.

«Elimizdiń bas qalasynda COVID-19 indetiniń tez ósýine baılanysty epıdemıologııalyq jaǵdaı kúrdeli. Sońǵy táýlikte ishinde zerthanalyq rastalǵan 3312 jaǵdaı tirkeldi, ósim – 2,07% - dy quraıdy. Sońǵy aptada COVID-19 boıynsha 9136 jaǵdaı tirkeldi. Syrqattanýshylyq kórsetkishi 100 myń turǵynǵa shaqqanda aldyńǵy aptadan 7,9 ese joǵary, ıaǵnı syrqattanýshylyqtyń aptalyq kórsetkishi 97,3-ten 768,8-ge deıin ósti, al reprodýktıvtik kórsetkish 3,08-ge jetip otyr», - dedi

Onyń sózinshe, qańtardyń alǵashqy 12 kúninde barlyǵy 40 myńnan astam test jasaldy.

Jáne koronavırýs ınfektsııasy 9428 adamnan tabyldy, bul 2021 jylǵy jeltoqsan aıymen salystyrǵanda 3 ese artyq.

«Barlyq jastaǵy adamdar ınfektsııaǵa beıim bolyp keledi, biraq sońǵy kúnderi biz 25-39 jastaǵy adamdar arasynda birshama ósimdi baıqadyq, olar eresek turǵyndardyń 30 %-yn quraıdy, bul jalpy syrqattanýshylyqtyń 79 %-yn quraıdy. Balalar úlesi 18% - dy jáne jasóspirimder 3,0% - dy quraıdy. Osyǵan oraı taǵy bir mańyzdy jaıt, adam jınalatyn ol tamaqtaný oryndary. Qaýlyǵa sáıkes 1 ústeldiń basynda 4 adamnan artyq otyrýǵa nemese otyrǵyzýǵa bolmaıdy», - deıdi ol.