Elorda Cup: 14 boksshymyz altyn medal aldy

<p><strong>ASTANA. KAZINFORM &ndash;</strong> 12 mamyr kúni bastalǵan III Elorda Cup týrnıri máresine jetti. Jarys qorytyndysy boıynsha 24 salmaqta jeńimpazdar anyqtalyp, 8 boksshy byltyrǵy chempıondyq ataǵyn qorǵap qaldy. Bul týraly Týrızm jáne sport mınıstrliginiń baspasóz qyzmeti habarlady.</p>

6 kúnge jalǵasqan básekede komandalyq boıynsha TOP-3 oryndar:

Erler:

Qazaqstan — 9 altyn, 8 kúmis, 14 qola

Ózbekstan — 1 altyn, 2 kúmis, 2 qola

Qytaı — 1 altyn, 1 kúmis

Áıelder:

Qazaqstan — 5 altyn, 5 kúmis, 11 qola

Qytaı — 4 altyn, 1 qola

Úndistan — 2 altyn, 2 kúmis, 4 qola

Chempıon atanǵan jerlesterimiz:

51 keli. Sáken Bıbosynov

54 keli. Karım Serkebaev

57 keli. Mahmud Sabyrhan

60 keli. Talǵat Syrymbetov

67 keli. Nurbek Mýrsal

75 keli. Tımýr Nurseıitov

86 keli. Nurbek Oralbaı

92 keli. Saǵyndyq Toǵambaı

+92 keli. Qamshybek Qońqabaev

57 keli. Karına Ibragımova

60 keli. Vıktorııa Grafeeva

63 keli. Aıda Ábikeeva

70 keli. Madına Nurysheva

+81 keli. Eldana Talıpova

Eń úzdik boksshylar:

+92 keli. Qamshybek Qońqabaev

54 keli. ıÝan Chang

«Bıyl elorda tórinde úshinshi márte uıymdastyrylǵan bokstan eresekter arasyndaǵy «Elorda kýbogi» týrnıri máresine jetti. Bir aptaǵa jalǵasqan baıraqty básekede otandastarymyz óte joǵary nátıje kórsetip, jalpykomandalyq esepte birinshi oryndy jeńip aldy. Halyqaralyq jarysqa jerlesterimiz birneshe qurammen qatysqanyn aıta ketken jón. Parıj Olımpıadasynda el namysyn qorǵaıtyn boksshylarymyz tórt jyldyqtyń mańyzdy dodasy aldyndaǵy sońǵy daıyndyq jekpe-jekterin ótkizse, jas boksshylarǵa úlken tájirıbe alańy, bapkerlik quramǵa ózderin dáleldeý úshin zor múmkindik boldy. Halyqarlyq saıysta top jarǵan bylǵary qolǵap sheberlerin jarqyn jeńisimen shyn júrekten quttyqtaımyn!» - dedi Ermek Marjyqpaev.