Elorda boıynsha eń tómengi kúnkóris shegi - 35 482 teńge

ASTANA. QazAqparat – Búgingi tańda elorda boıynsha eń tómengi kúnkóris shegi - 35 482 teńge. Bul týraly óńirlik kommýnıkatsııalar qyzmetinde ótken brıfıngide Astana qalalyq Jumyspen qamtý jáne áleýmettik qorǵaý basqarmasy basshysynyń orynbasary Aıgúl Talasova aıtty, dep habaraıdy QazAqparat tilshisi.

«Búgingi tańda Astana boıynsha eń tómengi kúnkóris shegi - 35 482 teńge. Eger otbasynyń jan basyna shaqqandaǵy kirisi osy mólsherden tómen bolsa, onda ataýly áleýmettik kómek taǵaıyndalady. AÁK retinde kúnkóris shegine jetpeı turǵan somma beriledi jáne ol otbasynyń ár múshesine tólenedi. Bıyl qańtardan bastap Qazaqstanda balalarǵa arnalǵan áleýmettik kómek paketi monetızatsııalandy. Bul ataýly áleýmettik kómek alatyn otbasylarǵa azyq-túlik jıyntyǵyn óz betinshe alýǵa múmkindik beredi», - dep túsindirdi Aıgúl Talasova.

Onyń aıtýynsha, AÁK taǵaıyndaý úshin elorda turǵyndary «Januıa» otbasy ınstıtýtyn qoldaý ortalyǵyna júginýge bolady. Sonymen qatar, «Egov» portaly arqyly qyzmetti onlaın alýǵa múmkindik bar. Áleýmettik kómek rásimdeý úshin azamattan tek jeke basyn kýálandyratyn qujat suralady. Qalǵan málimetter ortalyqtandyrylǵan júıeden alyndy.