Elorda bıyl da erigen qar sýynyń astynda qala ma

<p>ASTANA. KAZINFORM &mdash; Elorda ákimi Jeńis Qasymbek aldaǵy kóktemde oryn alýy múmkin sý tasqynyna oraı pikir bildirdi.</p>

«Ótken jyldardaǵy ahýal nashar boldy dep túbegeıli kesip-piship aıtýǵa bolmaıdy. Ózderińiz de kórdińizder, bıyl qysta ótken jylǵa qaraǵanda qar áldeqaıda  mol jaýdy. Bul - resmı derek. Eger biz ótken jyly qys boıy sáýirde túsken mol qardy qosa alsaq, 4,5 mln tekshe metr qar shyǵardyq. Al bıyl bul shekten asyp kettik. Ótken jylǵa qaraǵanda qar áldeqaıda mol. Osy qar jyldam erıtinin túsinemiz. Ol 1,5-2 aptadan keıin bastalady»,- dedi ol Úkimet otyrysynan keıingi brıfıngte agenttik tilshisiniń saýalyna oraı. 

Onyń aıtýynsha, oryn alýy múmkin sý tasqynyna qarsy qarqyndy jumys istelip jatyr.

Daıyndyq joǵary, jeke sektordan qar shyǵarý jumystary qolǵa alynǵan.

TJM jáne Aqmola oblysynyń ákimdigimen qala men oblys shekarasynda ornalasqan, sý basý qaýpi bar aýyldarda oqý-jattyǵý ótkizildi. 

«Jylda problema qaıtalanatyn ýchaskelerde jumys istep jatyrmyz jáne belgili bir joǵary daıyndyq bar dep sanaımyz. Alaıda, ony kúsheıtýdemiz. Aýa raıynyń boljamsyz ekenin túsinemiz. Eger qar jyldam erise, kúni-túni joǵary temperatýra bolsa, onda bul anomaldy dúnıe. Biraq, biz kez kelgen jaǵdaıǵa daıyndalamyz. Sý basý bolady ne bolmaıdy dep aıtý jón emes. Biz kez kelgen jaǵdaıǵa barynsha daıyndalamyz», - dedi Jeńis Qasymbek.