Elorda aýrýhanalaryna 200 ókpe jeldetý apparaty satyp alynady

NUR-SULTAN. QazAqparat – Elordada koronavırýs ınfektsııasymen kúres úshin qosymsha medıtsınalyq quraldar satyp alynady. Bul týraly Nur-Sultan qalasynyń ákimi Altaı Kólginov aıtyp berdi, dep habarlaıdy QazAqparat tilshisi.

«200 dana ókpeni jasandy jeldetý apparatyna, 500 ottegi kontsentratyna jáne oǵan qajet 500 floýmetrge tapsyrys berdik. Eki kompıýterlik tomografııaǵa da tapsyrys berildi. Kompıýterlik tomografııa júktemesin azaıtý úshin Nur-Sultan aýmaǵyndaǵy respýblıkalyq jáne jeke barlyq klınıkalar tartyldy. Máselen, Ulttyq ǵylymı medıtsınalyq ortalyq bazasynda jaqyn ornalasqan emhanalar úshin qyzmet kórsetiledi. Naýqastardyń der kezinde kompıýterlik tomografııadan ótýi úshin, qabynýdy bastapqy kezeńinde anyqtaý úshin barlyq emhanalar jumys istep jatyr», - dedi qala ákimi Ortalyq kommýnıkatsııalar qyzmetinde ótken brıfıngide .

Aıta keteıik, Nur-Sultanda koronavırýs ınfektsııasyn juqtyrǵan 61 adam qaıtys boldy.

Qalada KVI statsıonary 87 paıyzǵa toldy.