Elorda áýejaıynyń tehnıkalyq múmkindikteri jańarmaq

NUR-SULTAN. QazAqparat - «Nursultan Nazarbaev halyqaralyq áýejaıy» AQ qazirgi ýaqytta zańnamanyń talaptaryn oryndaý maqsatynda áýe kemesiniń ushyp-qoný qyzmetine ınvestıtsııalyq baǵdarlama ázirledi. Bul týraly QazAqparat áýejaıdyń baspasóz qyzmetine silteme jasaı otyryp habarlaıdy.

Kompanııanyń ınvestıtsııalyq baǵdarlamasy 5 jyldyq kezeńge arnalǵan. Qarjylandyrý kózderi - bul qyzmet kórsetýge jáne paıda tabýǵa baılanysty aktıvterge amortızatsııalyq aýdarymdar.

Kompanııanyń ınvestıtsııalyq baǵdarlamasynyń jobasy qoldanystaǵy aktıvterdi jańartýǵa jáne quny 5 mıllıard teńgeden asatyn jańa aktıvter qurýǵa baǵyttalǵan sharalardy qarastyrady.

«Ázirlengen ınvestıtsııalyq baǵdarlama aıasynda oblystyń klımattyq erekshelikterin eskere otyryp, aerodromnyń perrondy kútip ustaýǵa qajettiligin tolyǵymen qanaǵattandyratyn 44 aerodrom men arnaıy tehnıkany satyp alý josparlanyp otyr.

Kompanııa jyl saıynǵy ınvestıtsııalardy qajet etetin, tehnıkalyq jaǵynan kúrdeli, kapıtaldy kóp qajet etetin kólik quraly ekenin atap ótý mańyzdy.

Áýe kemeleriniń neǵurlym zamanaýı túrlerin paıdalanýǵa engizýmen aerodromdarǵa tehnıkalyq qyzmet kórsetý talaptary ósti», - dedi áýejaıdan.

Sondaı-aq, sońǵy 4 toqsanda áýejaı 1000-nan astam júk reısterine qyzmet kórsetken.

«Jabdyqtar men kólik quraldaryn satyp alý aerodromdy kútip ustaý jáne tótenshe jaǵdaılardy joıý boıynsha jumystardy jedel júrgizýge múmkindik beredi. Investıtsııalyq baǵdarlamanyń is-sharalaryn iske asyrý tutastaı alǵanda Kompanııanyń ınfraqurylymyn damytý sheńberinde qarajattyń maqsatty paıdalanylýyn qamtamasyz etedi, bul óz kezeginde kórsetiletin qyzmet sapasynyń jaqsarýyna áser etedi», - delingen baspasóz habarlamasynda.