Elorda áýejaıynda eki kún ishinde «qyzyl» statýsy bar 8 jolaýshy anyqtaldy

NUR-SULTAN. QazAqparat – Elordada Nursultan Nazarbaev halyqaralyq áýejaıynyń qyzmetkerleri Ashyq jobasyn iske qosylǵan eki kúni ishinde «sary» statýsy bar 9 jolaýshy, «qyzyl» statýsy bar 8 jolaýshyny anyqtady, dep habarlaıdy QazAqparat.

Tekserýden ótkenderdiń jalpy sany - 9 943 adam. Algorıtmge sáıkes, «qyzyl» statýsy bar jolaýshylar jedel járdem qyzmeti kelip jetkenshe oqshaýlanyp, odan keıin aýrýhanaǵa jatqyzyldy.

12 mamyrdan bastap Nursultan Nazarbaev halyqaralyq áýejaıynda Ashyq júıesi tolyqqandy iske qosylǵan. Biz ushyp shyǵatyn barlyq jolaýshyny áýejaıǵa kelgenshe qosymshany júktep alyp, óz statýsyn tekserý kerek ekenin eskertemiz. «Sary» jáne «qyzyl» statýsy bar jolaýshylar termınal ǵımaratyna jiberilmeıdi. Reıske jiberilmegen jolaýshylar aqshasyn qaıtarýǵa qatysty suraǵyn áýe kompanııasyna joldaýy tıis.

Ashyq qosymshasyndaǵy aqparat Densaýlyq saqtaý mınıstrliginiń ortaq bazasymen birigý arqyly kelip túsedi jáne jolaýshynyń statýsyn anyqtaıdy. Áýejaıda kezekti boldyrmaý úshin, qosymshany aldyn ala júktep, mártebeni tekserip alǵan jón.

Áýejaı ǵımaratynyń kireberisinde turatyn qyzmetkerlerdiń plansheti bar. Smartfony joq jolaýshylar planshette JSN terý arqyly óz statýsyn bile alady. Al JSN joq sheteldik jolaýshylar óz statýsyn tólqujat nómiri arqyly biledi.