Elorda áýejaıynda deklaratsııalanbaǵan iPhone 14 telefondaryn elge kirgizbek bolǵan adam ustaldy
Baspasóz qyzmetiniń málimetterine qaraǵanda, 2022 jylǵy 21 qyrkúıekte Astana qalasynyń «Nursultan Nazarbaev» halyqaralyq áýejaıynda «Áýejaı-Astana» keden beketinde Dýbaıdan kele jatqan halyqaralyq áýe reısi jolaýshylaryn kedendik baqylaýdan ótýi kezinde keden beketiniń qyzmetkerleri QR UQK Shekara qyzmetiniń qyzmetkerlerimen birlesip, satylymǵa shyǵarylmaǵan, deklaratsııalanbaǵan IPHONE 14 PRO markaly uıaly telefondarynyń 11 danasyn ákelý áreketiniń jolyn kesti.
QR QM 2015 jylǵy 31 naýryzdaǵy № 250 buıryǵyn sáıkes jeke tulǵalar Keden odaǵynyń kedendik shekarasy arqyly ótkizetin taýarlardy jeke paıdalaný úshin uıaly telefondar – 1 adamǵa 2 birlikten aspaýy tıis.
Ustalǵan uıaly telefondar kedendik tazartýdan ótý úshin ýaqytsha saqtaý qoımasyna ornalastyrylady.
Osylaısha, QR azamaty uıaly telefondardy deklaratsııalamaǵany úshin ákimshilik jaýapqa tartylady.
Qazirgi ýaqytta «Áýejaı-Astana» keden beketi baqylaýdy kúsheıtip, deklaratsııalanbaǵan telefondardy alyp júrýdiń jolyn kesý boıynsha Astana áýejaıynyń aralas qyzmetterimen tekserý is-sharalaryn júrgizýde.
Vıdeodan alynǵan kadr