Elorda áýejaıynda Almatydaǵy mıtıngke qatysqan 2 kúdikti ustaldy

NUR-SULTAN. QazAqparat – 16 qańtarda «Nur-Sultan» Shekaralyq baqylaý basqarmasynyń áskerı qyzmetshileri elorda áýejaıynan Reseıge ketip bara jatqan Qazaqstannyń 2 azamatyn ustady. Bul týraly QazAqparat Ulttyq qaýipsizdik komıtetine silteme jasap habarlaıdy.

Olardyń júgi men qol júgin tekserý barysynda pyshaqtar, kastetter men kisenderden turatyn sýyq qarý túrleri tabyldy.

Tekserý barysynda olardyń uıaly telefondarynan Almaty qalasyndaǵy mıtıngterge, demonstratsııalyq áreketter men buzaqylyqtarǵa qatysqandyǵyn rastaıtyn beınejazbalar tabyldy.

Ustalǵandar ári qaraı jaýapkershilikke tartý úshin polıtsııanyń jelilik bóliminiń qyzmetkerlerine berildi.

Budan basqa, «Tashkent–Nur-Sultan» qatynasyndaǵy halyqaralyq reısti rásimdeý kezindegi pasporttyq baqylaý jumysynyń nátıjesinde jalǵan tólqujaty bar Tájikstan azamaty anyqtaldy, ol shekarany zańsyz kesip ótý maqsatynda qujattaǵy óziniń anyqtamalyq derekterin ádeıi ózgertken.

Memlekettik shekara buzýshy kelgen jaǵyna qaıtaryldy.