Elorda áýejaıy jýrnalıster arasynda baıqaý jarııalady

NUR-SULTAN. QazAqparat – Elordadaǵy Nursultan Nazarbaev áýejaıy buqaralyq aqparat quraldary ókilderi arasynda shyǵarmashylyq baıqaý jarııalady, dep habarlaıdy QazAqparat tilshisi.

Tilshiler arasyndaǵy baıqaý el Táýelsizdiginiń 30 jyldyǵy men elorda áýejaıynyń 90 jyldyq mereıtoıyna oraı uıymdastyrylyp otyr.

«Bıyl bizdiń áýejaı 90 jyldyq mereıtoıyn atap ótýde. Sondaı-aq, aıtýly data táýelsizdigimizdiń 30 jyldyǵyna tuspa-tus kelip otyr. Osy oraıda BAQ ókilderi men blogerler arasynda úzdik materıalǵa baıqaý jarııalaımyz. Bizge qarasty 2 kompanııa atalǵan bastamany qoldap otyr. Bas júldege Ystanbul (Túrkııa) men Tashkent (Ózbekstan) qalasyna 2 adamǵa arnalǵan joldama beriledi. Baıqaý nátıjesi men onyń jeńimpazdaryn BAQ ókilderi merekesi qarsańynda anyqtaıtyn bolamyz», - dedi elorda áýejaıynyń baspasóz hatshysy Anýar Shalekenov.

Aıta ketsek, búgin elorda áýejaıynda jolaýshylar úshin jańa qyzmet túri iske qosyldy.