Elorda áýejaıy qalypty rejımde jumys istep tur

NUR-SULTAN. QazAqparat – Elordalyq Nursultan Nazarbaev halyqaralyq áýejaıynyń baspasóz qyzmeti ǵımarat jumysy men sheteldik reıster týraly aqparat jarııalady, dep habarlaıdy QazAqparat.

«Qazaqstan Respýblıkasynda tótenshe jaǵdaı bastalǵannan beri Nursultan Nazarbaev halyqaralyq áýejaıy óz jumysyn toqtatqan joq. Elordanyń áýe aılaǵynyń barlyq qyzmetteri kúsheıtilgen jumys rejımine aýysty. Reıster áýe kompanııalarynyń sheshimimen toqtatylyp jatyr. Reısterdi keshiktirý, toqtatý, qaıta brondaý jónindegi barlyq suraqtar boıynsha avıakompanııalardyń baılanys ortalyqtaryna habarlasýdy suraımyz», - dep habarlady áýejaıdyń baspasóz qyzmeti.

Búgin 2022 jyldyń 8 qańtarynda sheteldik áýe kompanııalary Nur-Sultanǵa jáne Nur-Sultannan Dýbaı, Mınsk, Kalınıngrad qalalaryna 6 halyqaralyq reısti josparlap otyr.

Halyqaralyq jáne ishki reıster týraly aqparat kún saıyn jańartylyp otyrady.