Elorda áýejaıynda jolaýshylar 400 mln teńge men altyn quımalardy elden áketpek bolǵan

<p>ASTANA. KAZINFORM — Jyldyń basynan beri Astana qalasy boıynsha memkirister departamentiniń áýejaıdaǵy keden beketi qyzmetkerleri kedendik baqylaý kezinde jalpy quny 400 mln teńgeden astam valıýtany zańsyz áketýdiń 22 faktisin áshkereledi. </p>

Máselen, jyl basynda «Nursultan Nazarbaev» halyqaralyq áýejaıynda «Astana — Ystambul» halyqaralyq reısin kedendik baqylaý kezinde Qazaqstan azamaty 74 mln teńgeden astam somaǵa sheteldik valıýtany zańsyz áketpek bolǵan.

Bul rette Astana qalasy boıynsha ekonomıkalyq tergeý departamentine 172 mln teńgeden astam somaǵa 3 materıal, ákimshilik quqyq buzý belgilerimen 281 mln teńgege 19 fakti joldandy, aıyppul somasy — 664 560 teńge. 

Foto: Memkirister komıteti

Sonymen qatar, azamattar jalpy salmaǵy 433 gramm altyn quımasyn jáne jalpy salmaǵy 3000 gramm kollektsııalyq monetalardy (quny 70 mıllıon teńgeden astam) zańsyz áketpek bolǵan.

Prezıdent jarlyǵyna sáıkes elimizdiń Ulttyq banki shyǵarǵan, Qazaqstannan 10 000 AQSh dollary balamasynan asatyn somaǵa qolma-qol shetel valıýtasyn jáne (nemese) shetel valıýtasyndaǵy aqsha quraldaryn jáne altyn quıma, ınvestıtsııalyq monetalardy áketýge tyıym salynǵan.

Foto: Memkirister komıteti

«Joǵaryda atalǵan normalardy buzǵany úshin ákimshilik nemese qylmystyq jaýapkershilik qarastyrylǵanyn eske salamyz» dep eskertedi komıtetten.