Elorda ataýy ózgergeni úshin oqýlyqtardy qaıta basyp shyǵarýdyń qajeti joq - mınıstr

ASTANA. QazAqparat – Ortalyq kommýnıkatsııalar qyzmetinde bolǵan brıfıngide Oqý-aǵartý mınıstri Ashat Aımaǵambetov elorda ataýynyń ózgerýine baılanysty oqýlyqtardy jańartý qajet emestigin aıtty, dep habarlaıdy QazAqparat tilshisi.

Brıfıngide BAQ ókilderi mınıstrge jańadan qurylǵan oblystar men elorda ataýynyń ózgerýine baılanysty oqýlyqtardyń mazmunyn jańartý máselesi týraly suraq qoıdy.

«Elorda ataýynyń ózgerýine baılanysty kitaptardyń mazmuny jańartylmaıdy. Tek osy máselege qatysty búkil oqýlyqtardy basyp shyǵarýdyń qajeti joq dep oılaımyn. Bizde kóp oqýlyqtar 2016, 2017, 2018 jyldary shyǵarylǵan. Bizdiń eldiń balalary, jalpy halqy elordamyzdyń ataýyn jaqsy biledi. Oqýlyqtar belgili bir ýaqyt ishinde mazmuny jańartylyp, qaıta basyp shyǵarylady. Sol ýaqytta bul máseleler eskeriletin bolady», - dedi Ashat Aımaǵambetov suraqqa jaýap bere otyryp.

Munymen qatar mınıstr mektepte oqýshylardyń uıaly telefon qoldanýyna kim tyıym salýǵa quqyly ekenin de túsindirdi.

Onyń aıtýynsha, ruqsat etý nemese tyıym salý sheshimin mekteptiń qamqorshylyq keńesi qabyldaıdy.

Ashyq kózderden alynǵan foto