Elorda ákimi turǵyndardy úıden shyqpaýǵa shaqyrdy

<p>Astana ákimi Jeńis Qasymbek qaladaǵy kóktaıǵaqqa qatysty turǵyndarǵa úndeý jasady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Aýa raıynyń kúrt ózgerýine baılanysty qalanyń kommýnaldyq qyzmetteri táýlik boıy kúsheıtilgen rejımde jumys istep jatyr. Túngi ýaqytta jaýǵan jańbyrdyń saldarynan kóktaıǵaq boldy. Kommýnaldyq qyzmetter túnnen bastap joldar men trotýarlarǵa qum men tuz qospasyn seýip jatyr», - dep jazdy J. Qasymbek áleýmettik jelidegi paraqshasynda.

Bul turǵyda ol kóktaıǵaq ketkenshe qarttar men balalardy kóshege shyqpaýǵa shaqyrdy. Al kólik júrgizýshileri ara qashyqtyqty saqtap, óte saq bolýy bolýy qajet.

«Travmatologııa pýnktteriniń jumysy kúsheıtildi. Aýdan ákimdikterine jáne MIB/PIK-ke aýlalar men qoǵamdyq oryndarǵa ınertti materıal shashý tapsyryldy», - dedi ákim.