Elorda ákimi qalada sý shaıatyn tórt qana ýchaske qalǵanyn aıtty

<p>ASTANA. KAZINFORM &ndash; Astana qalasynyń ákimi kelesi jyly qala kóshelerin jaýyn-shashyn sonshalyqty shaımaıdy dep senip otyr.</p>

- Kóktemde táýligine qýattylyǵy 188 myń tekshe metr, ekinshi káriz-tazartý qurylǵylarynyń qurylysyn bastaımyz. Sonymen qatar, sý burýdy qamtamasyz etý maqsatynda «Kóktal», «Óndiris» turǵyn aýdandarynda jáne ındýstrııalyq park aýdandarda qosymsha jalpy qýattylyǵy shamamen táýligine 85 myń tekshe metr bolatyn úsh jergilikti tazartý qurylǵylarynyń jobalary ázirlenip jatyr. Qurylysty kelesi jyly bastalady dep otyrmyz, - dedi Jeńis Qasymbek elordanyń áleýmettik-ekonomıkalyq damýy týraly esep bere turyp. 

Ákimniń málimdeýinshe, 2019 jyly qalada sý jıi shaıatyn 245 ýchaske boldy. 

-Káriz júıelerin salý jáne qoldanystaǵy káriz jelilerin tazartý men qaıta jańǵyrtý arqyly qazirgi ýaqytta tek 4 ýchaskeniń máselesin sheshý qaldy (Rysqulov kóshesi, Turan dańǵyly, Trıýmf arkasy, Qorǵaljyn tas joly). Ótken maýsymdaǵy eń problemaly ýchaskeler Turan dańǵyly men Trıýmf arkasy aýdany boldy. Osyǵan oraı qysymdy azaıtyp, aǵyndy keńeıtý jumystaryn júrgizip jatyrmyz. Kelesi jyly jańa tazartý qurylǵylarynyń qurylysyn bastaımyz. Kóktemde úlken sý shaıý bolmaýy tıis, - dep sendirdi elorda ákimi.

Osyǵan deıin elorda ákiminiń jalpy óńirlik ónimniń birinshi jartyjyldyqtyń qorytyndysy boıynsha 7% quraǵany týraly aıtqanyn jazdyq.