Elorda ákimi sý tasqynyna qarsy sharalardyń barysyn tekserdi

NUR-SULTAN. QazAqparat - Elordada sý tasqynyna qarsy saqtyq sharalary jalǵasyp jatyr. Aryqtardy, nóser sýyna arnalǵan káriz júıelerin tazartý, ózen arnasyn qaıta jańartý jáne sý rettegish bóget salý jumystary jalǵasyn tabýda, dep habarlaıdy qala ákiminiń baspasóz qyzmeti

Elorda ákimi Altaı Kólginov sý tasqyny qaýpi bar aýdandy qorǵaıtyn úıindi bóget salý jumystarynyń barysyn tekserdi.

«Úıindi bóget salyp, ony nyǵaıtý «Sharapat» áleýmettik qyzmet kórsetý ortalyǵyn ǵana emes, Kóktal eldi mekeni men ol jerge jaqyn ornalasqan úılerdi tasqynnan qorǵaýǵa múmkindik beredi. Dambany bıiktetip, Esil ózeniniń arnasyn túzetý qajet. Ózen arnasyn túzeý jumystary kelgen sýdy jańa arna arqyly jiberýge múmkindik beredi. Al bul óz kezeginde jeke sektordy qaýipsizdendiredi», - dedi qala ákimi Altaı Kólginov.

Sonymen qatar, sý rettegishtiń jumys rejımi bekitildi. Maıbalyq kólinen «Nura-Esil» kanalyna deıingi arnanyń ótkizý qabileti artady.

Sý tasqynyna qarsy is-sharalardy ótkizýge qatysty barlyq saýal boıynsha myna telefondarǵa habarlasýǵa bolady:

Saryarqa aýdany: 8-778-710-91-00,

Baıqońyr aýdany: 8-702-348-82-88, 8-701-999-22-89,

Almaty aýdany: 8-707-795-13-88.

Jelezodorojnyı, Promyshlennyı eldi mekenderi: 8-778-669-97-70,

qosymsha tel. [phone].

Mıchýrıno, Kúıgenjar, Internatsıonalnyı: 8-707-588-72-27, qosymsha tel. [phone].

Ońtústik-Shyǵys shaǵyn aýdany boıynsha: 8-702-4444-52-99, qosymsha tel. [phone].

Esil aýdany: 8-701-121-25-35 («Prıgorodnyı», «Zarechnyı», «Telmano»), 8-778-176-31-11 («Úrker», «Shyǵys Ilınka»).