Elorda ákimdiginde paraqorlyqpen kúres máselesi talqylandy

NUR-SULTAN. QazAqparat - Elorda ákimdiginde qala basshysy Altaı Kólginovtiń basshylyǵymen sybaılas jemqorlyqqa qarsy is-qımyl jónindegi vedomstvoaralyq komıssııanyń otyrysy ótti, dep habarlaıdy QazAqparat.

Sharanyń negizgi baǵyty – jergilikti atqarýshy organdardyń qyzmetindegi sybaılas jemqorlyq táýekelderin joıý jáne sybaılas jemqorlyqqa qarsy is-qımyl máseleleri boıynsha QR zańnamalyq aktilerine engizilgen ózgeristerdi túsindirý. Memleket basshysy «Qazaqstan Respýblıkasynyń keıbir zańnamalyq aktilerine memlekettik qyzmet jáne sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» QR Zańyna qol qoıdy. Tolyqtyrýlar basshylardyń jaýapkershiligin belgileý týraly normany qamtıdy.

Elorda ákimi Altaı Kólginov óz sózinde zańnamany múltiksiz saqtaý jáne kez kelgen sybaılas jemqorlyq kórinisterin boldyrmaý qajettigin atap ótti. Qazaqstan Respýblıkasynyń sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti basshysynyń orynbasary Erlan Tólebaev óz qyzmetteriniń negizgi baǵyty sybaılas jemqorlyq kórinisteriniń aldyn alýǵa baǵyttalǵanyn atap ótti.

Bul turǵyda agenttik pen elorda ákimdiginiń «Astana – adaldyq alańy» birlesken jobasy úlgi bolyp tabylady.

Al departamenttiń arnaıy monıtorıng tobynyń múshesi Marat Satarqulov qatysýshylarǵa «Ashyq bıýdjetterdiń ınteraktıvti kartasy» aıasynda qoǵamdyq monıtorıngti júzege asyrý qorytyndylary týraly aıtyp berdi.