Elorda ákimdiginde birqatar ınvestıtsııalyq jobalar qoldaý tapty

NUR-SULTAN. QazAqparat - Elordada Altaı Kólginovtyń basshylyǵymen ınvestıtsııa máseleleri jónindegi óńirlik úılestirý keńesi ótti, dep habarlaıdy QazAqparat elorda ákimdiginiń baspasóz qyzmetine silteme jasap.

Baspasóz málimetterine qraǵanda, qoldaý kórsetilgen jobalardy iske asyrý bir myńnan astam jumys ornyn qurýǵa múmkindik beredi. Kóterme-taratý ortalyǵyn salý jobasy qoldaý tapty. Joba kókónisterdi, jemisterdi, etti, balyqty, sút ónimderin jáne t.b. saqtaý, tasymaldaý jáne satý boıynsha qyzmetterdi ortalyqtandyrýǵa arnalǵan.

Altaı Kólginov elordanyń azyq-túlik qaýipsizdigine erekshe nazar aýdarý qajettigin atap ótti, «El basshylyǵynyń ınvestıtsııalardy tartý jónindegi tapsyrmasyn júzege asyrý úshin qolaıly jaǵdaı jasaımyz jáne ınvestıtsııalyq klımatty jaqsartý úshin jumys isteımiz, qala men turǵyndar úshin qajetti jobalardy qoldaımyz», - dedi.

Keńeste bilim berý salasyndaǵy birqatar jobalar men avtobýs parki qurylysynyń jobasy qoldaý tapty.