Elorda ákimdigi Vıacheslav Drýjının týraly aqparat berdi

NUR-SULTAN. QazAqparat – Nur-Sultan qalasynyń ákimdigi erekshe qajettiligi bar kámeletke tolmaǵan balany tárbıelep otyrǵan Vıacheslav Drýjınınge qatysty aqparat berdi, dep habarlaıdy QazAqparat.

Buǵan deıin V. Drýjının áleýmettik jelide áıeli qaıtys bolǵanyn, baspanasyz qalǵanyn aıtyp kómek suraǵan edi.

«V. Drýjınınniń kámeletke tolmaǵan uly, qajet medıtsınalyq kómekti tolyq kólemde alyp otyr. Qazirgi ýaqytta bala №1 kópbeıindi qalalyq balalar aýrýhanasynda emdelýde. Aýrýhanadan shyqqannan keıin medıtsınalyq tekseris nátıjesine sáıkes, balanyń qaı ońaltý ortalyǵynda odan ári em alatyny belgili bolady», - dep jaýap bergen ákimdiktiń baspasóz qyzmeti.

Ákimdiktiń habarlaýynsha, Vıacheslav Drýjının aı saıyn 125 myń teńge kóleminde memlekettik járdemaqy alady.

«Qala ákimdigi balaǵa qajet zańmen belgilengen medıtsınalyq jáne áleýmettik kómekti tolyqqandy kórsetip otyr. Otbasynyń turǵyn úı máselesi tek zań aıasynda sheshiledi», - dep túsindirdi ákimdik.