Elorda ákimdigi búgin nege qoǵamdyq kólik júrmegenin túsindirdi

NUR-SULTAN. QazAqparat –Nur-Sultan qalasynyń ákimdigi erteń de qala boıynsha qoǵamdyq kólik júrmeıtinin málim etti, dep habarlaıdy QazAqparat tilshisi.

Elordanyń bas memlekettik sanıtarlyq dárigeriniń qaýlysyna sáıkes qoǵamdyq kóliktiń jumysy senbi jáne jeksenbi kúnderi dezınfektsııalyq óńdeý júrgizý úshin toqtatylǵan.

Qalalyq ákimdiktiń baspasóz qyzmetiniń habarlaýynsha, №3 avtobýs parki 8 qalalyq marshrýtqa qyzmet kórsetedi. Osy parkten kún saıyn jelige 114 avtobýs shyǵatyn kórinedi.

«Jyljymaly quramdy dezınfektsııalyq óńdeý kúnine birneshe ret, ıaǵnı úzilis kezinde júrgiziledi. Óńdeý jumysy adam densaýlyǵyna qaýipsiz 1% hlor eritindisimen jasalady. Koronavırýstyq ınfektsııa juqtyrǵandar sanynyń ósýine baılanysty demalys kúnderi avtobýstar tolyq óńdeýden ótý úshin toqtaıdy. Senbi jáne jeksenbi kúnderi dezınfektorlarymyz avtobýstardy birneshe ret aýqymdy túrde óńdeıdi. Muny jalpy tazartý dep aıtýǵa bolady. Dezınfektsııalyq quraldar jetkilikti mólsherde satyp alyndy», - deıdi №3 avtobýs parkiniń dırektory Nurbol Ysqaqov.

Buǵan deıin Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova demalys kúni qoǵamdyq kólik jumysyn shekteýdiń tıimdiligi týraly pikir bildirdi.