Elimizge temirjol kóligimen bıdaı ımporttaýǵa tyıym salyndy

<p>Aýyl sharýashylyǵy mınıstri Aıdarbek Saparov &laquo;QR aýmaǵyna avtomobıl jáne temirjol kóligimen bıdaı ákelýge tyıym salýdy engizý týraly&raquo; buıryqqa qol qoıdy, dep habarlaıdy <a href="https://kaz.inform.kz/" target="_blank" rel="noopener">QazAqparat.&nbsp;</a></p>

«6 aı (Eýrazııalyq ekonomıkalyq odaqtyń syrtqy ekonomıkalyq qyzmetiniń taýar nomenklatýralyq kody: 100119; 100199) merzimge: Qazaqstan Respýblıkasynyń aýmaǵyna úshinshi elderden jáne Eýrazııalyq ekonomıkalyq odaq elderinen avtomobıl kóligimen; lıtsenzııalanǵan elevatorlardyń, astyq óńdeýshilerdiń, qus sharýashylyǵy kásiporyndarynyń atyna temir jol kóligimen bıdaı ákelýdi qospaǵanda, Qazaqstan Respýblıkasynyń aýmaǵyna úshinshi elderden jáne Eýrazııalyq ekonomıkalyq odaq elderinen temir jol kóligimen bıdaı ákelýge tyıym salý engizilsin», - delingen mınıstr Aıdarbek Saparov qol qoıǵan buıryqta.

Shekteý alǵash resmı jarııalanǵan kúnnen, ıaǵnı 26 qyrkúıekten bastap kúshine enedi. Tek buıryqtyń 1-tarmaǵynyń ekinshi abzatsy 11 qazannan bastap qoldanysqa engiziledi.