Elimizge qyzylsha vaktsınasy qaı elden ákelindi

<p>Qazaqstanǵa qyzylsha ınfektsııasyna qarsy ekpeniń qaı memleketten ákelingeni aıtyldy, dep habarlaıdy Kazinform agenttigi.</p>

«Jyl bastalǵaly 11 kúnniń ishinde qyzylsha ınfektsııasynyń 289 bastapqy jáne 110 rastalǵan jaǵdaıy tirkeldi. Onyń 81-i — 14 jasqa deıingi balalar. Qala boıynsha ınfektsııa juqtyrý kórsetkishi tómendegenine qaramastan, jaǵdaı kúrdeli», - dedi Astana qalasynyń bas sanıtar dárigeri Sarqyt Beısenova qalalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, elordada ınfektsııa juqtyrǵandardyń 79% qyzylshaǵa qarsy ekpe almaǵan.

«Vaktsına Úndistan elinen ákelindi jáne ol dúnıejúzilik densaýlyq uıymy bekitken preparat», - dep tolyqtyrdy spıker.

Eske salsaq, beısenbide ótken Úkimet otyrysynda qyzylshaǵa qarsy qosymsha 1,5 mln doza vaktsına satyp alynǵany aıtyldy.