Elimizdiń sý qoımalaryndaǵy jaǵdaı qalaı

<p>ASTANA. KAZINFORM &mdash; Elimizde Atyraý oblysynan basqa barlyq óńirlerde sý tasqyny aıaqtaldy. Atyraý qalasynda Jaıyq ózeniniń deńgeıi - 600 sm, Atyraý oblysynyń Mahambet aýylynda - 1020 sm. &laquo;Qazsýshardyń&raquo; jergilikti fılıalynyń mamandary tasqyn sýyn qaýipsiz ótkizý jumystaryn jalǵastyryp jatyr. Bul týraly QR Sý resýrstary jáne ırrıgatsııa mınıstrliginiń baspasóz qyzmeti málim etti.&nbsp;</p>

Mınıstrliktiń málimetinshe, Batys Qazaqstan oblysynyń tórt iri sý qoımasy 90%-ǵa toldy. Olardyń barlyǵy shtattyq kestege saı jumys isteıdi.

Aqmola oblysynda eki iri sý qoımasy 98,4%-ǵa toly. Eki nysan da shtattyq rejımde jumys isteıdi.

Soltústik Qazaqstan oblysynda 2 iri sý qoımasy 100%-ǵa toly.

Aqtóbe oblysynda eki iri sý qoımasynyń ortasha sý jınaý kórsetkishi 95%. Eki nysan da shtattyq kestege saı jumys isteıdi.

Shyǵys Qazaqstan oblysynda eki iri sý qoımasy boıynsha ortasha sý jınaý kórsetkishi 89,8%.

Abaı oblysynda Shúlbi sý qoımasy 78%-ǵa toldy. Ertis kaskadynyń barlyq sý qoımalary shtattyq rejımde jumys isteıdi.

Qaraǵandy oblysynda 3 iri sý qoımasy 99,2%-ǵa toly. Olardyń barlyǵy shtattyq keste aıasynda jumys isteıdi.

Qostanaı oblysynda eki iri sý qoımasynyń ortasha sý jınaý kórsetkishi 91%. Eki nysan da shtattyq rejımde jumys isteıdi.

Sý qoımalaryna jınalǵan tasqyn sýy aýylsharýashylyǵy men ónerkásipte paıdalaný úshin jiberiledi.