Elimizdiń soltústigi men shyǵysyna Reseıden gaz qashan tartylady

<p>Reseıden Qazaqstannyń soltústigi men shyǵysyna gaz tartý máselesi osy jyldyń sońyna deıin aıqyndalady. Bul týraly Energetıka vıtse-mınıstri Álibek Jamaýov aıtty dep habarlaıdy <a href="Kazinform" target="_blank" rel="noopener">Kazinform</a>.</p>

«Qazirgi ýaqytta elimizdiń soltústigi men shyǵysyn gazdandyrý máselesin reseılik seriktestermen pysyqtap jatyrmyz. «Gazprom» kompanııasy búginde atalǵan jobanyń tehnıkalyq-ekonomıkalyq negizdemesin ázirleýde. Menińshe, jyldyń sońyna qaraı elimizdiń soltústigi men shyǵysyn qalaı gazdandyratyndyǵymyzǵa qatysty másele aıqyndalatyn bolady», - dedi vıtse-mınıstr BAQ ókilderine arnalǵan brıfıngte.

Onyń atap ótýinshe, gaz baǵasy qansha bolatyndyǵy ázirshe belgisiz.

«Ázirshe sheshim joq. «Gazpromnan» resmı derekterdi alǵannan keıin qosymsha habarlaımyz», - dedi Álibek Jamaýov.