Elimizdiń iri qalalarynda bond qoımalary ornalastyrylmaq

<p>Elimizdiń iri qalalarynda bond qoımalary ornalastyrylmaq. Bul týraly Úkimet otyrysynda Kólik vıtse-mınıstri Sátjan Ablalıev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Teńiz arqyly jetkiziletin júkterdiń bir bóligin avtokólikke aýdarý jáne ony tasýda otandyq operatorlardyń úlesin ulǵaıtý úshin kelesideı sharalar josparlanýda. Olar: bond qoımalaryn uıymdastyrý; ótkizý pýnktteriniń qabileti men otandyq kólik quraldarynyń parkin ulǵaıtý, sondaı-aq ruqsat blankilerin bólýdiń tıimdi júıesin engizý», - dedi ol.

Vıtse-mınıstrdiń atap ótýinshe, bond qoımalary basqa qoımalarǵa qaraǵanda birqatar artyqshylyqqa ıe. Olarda ımporttyq taýardy kedendik rásimdersiz, salyq tólemeı, suryptap, toptap uzaq ýaqyt saqtaýǵa bolady.

«Ozon jáne Vaıldberrız sııaqty halyqaralyq marketpleısterdiń qyzyǵýshylyǵyn eskere kele, atalǵan qoımalardy elimizdegi iri qalalarda ornalastyrýdy oryndy dep esepteımiz. Bond qoımalaryn damytý úshin olardyń qyzmetin zańnamalyq deńgeıde naqty retteý qajet. Bul jumystardy múddeli memlekettik organdarmen birlesip iske asyratyn bolamyz», - dedi Sátjan Ablalıev.