Elimizdiń poshta qyzmetinde ózgerister bolady
Bul qujat Májilisi depýtattarynyń bastamasymen ázirlendi.
- Poshta operatorlarynyń qyzmeti el úshin úlken strategııalyq mańyzy bar. Sondyqtan, búgingi tańda poshta salasy transformatsııadan ótip jatyr. Alaıda qazirgi kezde qaǵaz hattardy, merzimdi basylymdardy jetkizý qyzmetteri azaıyp keledi. Osy jaǵdaıda poshta baılanysynyń logıstıkalyq ınfraqurylymyn joǵaltpaý jáne damýdyń ońtaıly joldaryn tabý mańyzdy. Zańda aıasynda jetkizý tártibi ózgeredi. Tsıfrlyq tehnologııalardyń arqasynda tıisti pın-kod nemese kýar-kod bolǵan kezde úshinshi tulǵalardyń poshtany qabyldap alý múmkindigin beredi. Sonymen qatar, bul taýardy marketpleısterden poshta bólimshesine jáne úıge jetkizýdi jeńildetedi, - dedi depýtat Ekaterına Smyshlıaeva.
Qujatta sálemdemelerdi qabyldaý úshin poshtamattardy ornalastyrý jáne paıdalaný tártibi eskerilgen. Munymen qosa, talap etilmegen korrespondentsııany saqtaý merzimi qysqarady.
- Poshta ınfraqurylymyn saqtaý boıynsha normalar qabyldandy. Poshta fılıaldary jabylatyn bolsa, operator bul týraly jergilikti atqarýshy organdarǵa jabylǵanǵa deıin 3 aı buryn habarlaýǵa tıis. Bul rette ákimdik poshta bólimshelerin saqtaý jóninde sharalar qabyldaı alady. Ulttyq poshta operatory dári-dármekter men medıtsınalyq buıymdardy jetkizýmen jáne saqtaýmen aınalysa alady. Bolashaqta bul dári-dármekterdi eń shalǵaı aýyldarǵa jetkizýdi qamtamasyz etedi. Zań «áleýmettik ámııanǵa» quqyqtyq mártebe beredi. Bul - memlekettik qoldaý sharalaryn kórsetýdiń jańa tsıfrlyq tásili. Osy oraıda sybaılas jemqorlyqty boldyrmaýǵa múmkindik beredi, qoldaý sharalaryn azamattar úshin qoljetimdi etedi. Budan basqa, aqparatty qorǵaý, prezıdenttik baılanysty qamtamasyz etý boıynsha qosymsha is-sharalar kózdelgen, - dedi depýtat.
Sondaı-aq birqatar normalar poshta baılanysy naryǵyn damytýǵa jáne osy saladaǵy retteýshiniń ókilettikterin naqtylaýǵa baǵyttalǵan.
Eske salsaq, «Qazposhta» AQ basqarma tóraǵasy Ásel Janasova poshta qyzmeti arqyly dári-dármek jetkizý tártibine qatysty túsinik berdi.