Elimizdiń óńirlerinde uıymdastyrylǵan zańsyz kóshi-qon arnalary áshkerelendi

<p>ASTANA. KAZINFORM - Іshki ister mınıstrligi qylmystyq jáne terrorıstik árekettermen aınalysatyn adamdardyń elge kirýine jol bermeý maqsatynda zańsyz kóshi-qon arnalaryn anyqtaý boıynsha júıeli jumys júrgizip keledi, &ndash; dep habarlaıdy Polisia.kz.</p>

– Uıymdasqan qylmysqa qarsy kúres bólinisteri osy aıdyń basynan bastap zańsyz kóshi-qondy uıymdastyrýǵa qatysy bar birneshe qylmystyq toptyń jolyn kesti. Qylmystyq shemalar memlekettik shekarany zańsyz kesip ótý, jalǵan qujattardy qoldana otyryp, sheteldikterge ýaqytsha turýǵa jáne jumys isteýge ruqsat berýdi resimdeý sııaqty qyzmetterden turǵan, – dedi ІІM uıymdasqan qylmysqa qarsy kúres departamentiniń ókili Qýandyq Alpys.

Jambyl oblysynda jergilikti turǵyn ustaldy. Ol taýly aımaq arqyly Eýroodaq elderine tabys úshin barǵysy keletin alys shet elderdiń azamattaryna zańsyz kóshi-qon arnasyn uıymdastyrǵan.

Atyraý oblysynda úsh sheteldik jalǵan qujattardy paıdalana otyryp, Qazaqstan aýmaǵynda basqa sheteldikterdi tirkeýmen aınalysqan. Osyǵan uqsas qylmystyq shema elordada ashyldy. Onda eńbek mıgranttary úshin qujattardy zańsyz resimdeýge qatysy bar bes jergilikti turǵyn ustaldy.

– Barlyq faktiler boıynsha sotqa deıingi tergep-tekserý júrgizilýde. Kináliler múlki tárkilenip, jeti jylǵa deıingi merzimge bas bostandyǵynan aıyrylýy múmkin. Bul baǵyttaǵy jumys jalǵasýda, – dedi Qýandyq Alpys.