Elimizdiń óńirlerinde esirtki saýdalaýmen aınalysyp kelgen birneshe uıymdasqan top ustaldy

<p>ASTANA. KAZINFORM - Batys Qazaqstan, Abaı oblystarynda jáne Almaty qalasynda esirtkini eshqandaı baılanyssyz tásilmen taratýǵa mamandanǵan uıymdasqan qylmystyq toptar ustaldy, &ndash; dep habarlaıdy Polisia.kz.</p>

Almaty jáne Semeı qalalarynda kannabıs esirtkisin satýmen aınalysqan almatylyq turǵyndar ustaldy. Gashısh pen marıhýanany satý Telegram qosymshasy arqyly júzege asyrylǵan. Topty uıymdastyrýshy chat quryp, onda gashısh pen marıhýananyń ártúrli sorttarynyń quny týraly aqparat salyp otyrǵan. Toptyń basqa músheleri ózderine tıisti qylmystyq rólderge sáıkes esirtkini zańsyz saqtaýmen, dozalarǵa bólýmen, olardy Almaty men Semeı aýmaǵynda tasymaldaýmen jáne jasyrýmen aınalysqan. Qylmystyq topqa qatysýshylar qamaýǵa alynyp, uıymdastyrýshyǵa izdeý jarııalandy. Jalpy bir kılogramnan astam gashısh tárkilendi.

Oral qalasynda taǵy bir qylmystyq top ustaldy. Olar da kannabıs tobynyń esirtkisin satýmen aınalysqan. Kúdiktilerden 540 gramm gashısh tárkilendi. Topty uıymdastyrýshy Telegram messendjerinde ınternet-dúken quryp, esirtki satýǵa basshylyq etken. Esirtkini ótkizý ınternet-dúkenniń ákimshisi jáne jaldamaly esirtki jasyrýshylar arqyly júzege asyrylǵan.

Jyl basynan beri ІІM esirtki qylmysyna qarsy is-qımyl bólinisteriniń qyzmetkerleri barlyǵy 20 esirtki zerthanasyn joıdy, onyń ishinde segizinde sıntetıkalyq esirtki ázirlengen. Olardan paıdalanýǵa daıyn 129 kg sıntetıkalyq esirtki jáne 390 kg prekýrsor tárkilendi. Sonymen qatar 12 fıtolaboratorııa anyqtalyp, olardan 34,5 kg kannabıs tobynyń esirtkisi tárkilendi. Bıyl polıtsııa alty uıymdasqan qylmystyq toptyń jolyn kesti, onyń ishinde ekeýi transulttyq top.