Elimizdiń memlekettik qupııalary basqa elderge qatań túrde Úkimettiń sheshimimen beriledi

<p>ASTANA. KAZINFORM &ndash; Qazaqstanda memlekettik qupııalardy jáne olardy tasymaldaýshylardy shet memleketter men halyqaralyq uıymdarǵa berý erejeleri ózgertildi. Tıisti qaýlyny QR Úkimeti jarııalady.</p>

«Osy qaǵıdalarda memlekettik qupııalardy shet memleketterge jáne (nemese) halyqaralyq uıymdarǵa berý olardy shet memleketke nemese halyqaralyq uıymǵa resmı jolmen jetkizýdi bildiredi», - delingen qujatta.

Memlekettik qupııalardy berý memlekettik qupııalardy qorǵaý salasyndaǵy ýákiletti memlekettik organnyń olardy berý múmkindigi men oryndylyǵy týraly saraptamalyq qorytyndysy bolǵan kezde QR Úkimetiniń sheshimi boıynsha júzege asyrylady. Bastysy, Qazaqstan Respýblıkasy ratıfıkatsııalaǵan halyqaralyq sharttarǵa qaıshy kelmeýi kerek.

Sondaı-aq, memlekettik qupııalardy berý úshin mindetti túrde tómendegi halyqaralyq sharttardy jasaý qajet:

1) Qazaqstan Respýblıkasynyń jáne shet memlekettiń quzyretti organdary jáne (nemese) memlekettik qupııalardy alýǵa (berýge), saqtaýǵa jáne paıdalanýǵa ýákiletti halyqaralyq uıymnyń memlekettik qupııalardy paıdalana otyryp jumystardy júzege asyrýǵa quqyǵy bar-joǵyn;

2) Qazaqstan Respýblıkasyndaǵy jáne shet memlekette jáne (nemese) halyqaralyq uıymdaǵy berilgen memlekettik qupııalardyń qupııalyq sanattarynyń (dárejeleriniń) araqatynasy, berilgen memlekettik qupııalardyń qupııalylyǵyn ózgertý nemese alyp tastaý tártibi;

3) salystyrmaly qupııalyq belgileri bar berilgen memlekettik qupııalardy qabyldaýshy taraptyń quzyretti organdarynyń belgileýine, onyń ishinde olardy aýdarý, kóshirý nemese kóshirý kezinde qoıylatyn talaptar;

4) memlekettik qupııalardy berý tártibi, tasymaldaý (ekspedıtsııalaý) ádisteri, alyp júrý nysany;

5) berilgen memlekettik qupııalardy kóshirý nemese kóbeıtý, joıý jáne qaıtarý tártibin;

6) qabyldaýshy taraptyń zańnamasyna sáıkes berilgen memlekettik qupııalardy qorǵaý jónindegi mindettemeler;

7) berilgen memlekettik qupııalardy berýshi taraptyń aldyn ala jazbasha kelisiminsiz úshinshi tulǵaǵa taratpaý jónindegi mindettemeler;

8) janjaldy jaǵdaılardy sheshý jáne berilgen memlekettik qupııalardy ruqsatsyz taratýdan bolýy múmkin zalaldy óteý tártibi.

Sonymen qatar, qaýlyǵa sáıkes, memlekettik qupııalardy berý halyqaralyq sharttarǵa sáıkes dıplomatııalyq arnalar, kýrerlik qyzmet nemese qujattyq shıfrlanǵan baılanys arnalary arqyly júzege asyrylady.