Elimizdiń kórnekti tulǵalarynyń qyzmeti ǵylymı turǵydan zertteledi – vıtse-premer

<p>ASTANA. KAZINFORM &ndash; Elimizdiń kórnekti tulǵalarynyń qyzmeti ǵylymı turǵydan zerttelmek. Bul týraly Senat depýtattarynyń saýalyna Úkimet basshysynyń orynbasary Tamara Dúısenovanyń jaýabynda aıtylǵan.&nbsp;</p>

«Elimizdiń kórnekti tulǵalarynyń qyzmetin ǵylymı turǵydan zertteý jónindegi usynysyńyz oryndy. Jalpy 2024-2026 jyldar aralyǵynda «Eldiń zııatkerlik áleýeti» atty ǵylymnyń basym baǵyty boıynsha granttyq qarjylandyrý aıasynda irgeli ǵylymı zertteýler júrgizý josparlanǵan. Osyǵan baılanysty Ǵylym jáne joǵary bilim, Mádenıet jáne aqparat mınıstrlikterine ǵylymı-zertteý ınstıtýttary jáne joǵary oqý oryndarymen birlesip atalǵan másele boıynsha ǵylymı zertteýler júrgizýdi qarastyrý týraly tapsyrma berildi. Kelip túsken ótinimder konkýrstyq negizde qaralyp, belgilengen tártippen qarjylandyratyn bolady», - dedi vıtse-premer jaýabynda.

Onyń atap ótýinshe, búgingi tańda joǵary oqý oryndary ózderine berilgen akademııalyq erkindik aıasynda bilim berý baǵdarlamalaryn derbes ázirleıdi.

«Tulǵataný» pániniń elementteri keıbir joǵary oqý oryndarynyń oqý baǵdarlamasynda qamtylǵan. Elimizdiń joǵary oqý oryndarynda kórnekti tulǵalardyń qyzmetin dáripteý maqsatynda «Abaıtaný», «Marǵulantaný», «Haleltaný» jáne taǵy basqa pánder engizilgen. Jalpy, tarıhı tulǵalardyń ultqa qyzmeti boıynsha jastardyń tálim alýyna barlyq jaǵdaılar jasalǵan», - dedi Tamara Dúısenova.