Elimizdiń kóptegen óńirinde áli de órt qaýpi bar - Qazgıdromet
Kásiporyn taratqan derekterge qaraǵanda, respýblıkanyń basym bóligi áli de antıtsıklonnyń yqpalynda bolady. Sonyń áseinen kún jaýyn-shashynsyz, ashyq bolady. Tek kúndiz ǵana eldiń ońtústiginde, Qazaqstan boıynsha jel kúsheıip, túnde jáne tańerteń soltústikte, eldiń ortalyǵynda tuman túsip, ońtústiginde shańdy daýyl turady.
Túnde Almaty oblysynyń taýly, taý bókterindegi aýdandarynda, soltústiginde, Jambyl oblysynyń taýly aýdandarynda, soltústiginde, Jetisý oblysynyń ortalyǵynda 2-3 gradýs úsik júredi.
Aqtóbe, Qaraǵandy oblystarynda, Ulytaý oblysynyń shyǵysynda, Jetisý oblysynyń shyǵysynda, Batys Qazaqstan oblysynyń soltústiginde, Qyzylorda oblysynyń soltústik-batysynda, Jambyl oblysynyń ońtústik-shyǵysynda, Shyǵys Qazaqstan oblysynyń batysynda, ońtústiginde, ortalyǵynda, Qostanaı oblysynyń ońtústiginde, ortalyǵynda, Abaı oblysynyń shyǵysynda, ortalyǵynda, Mańǵystaý oblysynyń shyǵysynda órt joǵary qaýpi saqtalady.
Mańǵystaý, Atyraý, Túrkistan, Qyzylorda, Jambyl, Batys Qazaqstan, Ulytaý oblystarynda, Abaı oblysynyń ońtústiginde, Jetisý oblysynyń batysynda, soltústiginde, ortalyǵynda, Almaty oblysynyń soltústiginde, shyǵysynda, Aqtóbe oblysynyń batysynda, ońtústiginde, ortalyǵynda tótenshe órt qaýpi saqtalady.