Elimizdiń kolledjderinde sheteldik oqý oryndarynyń fılıaldary ashylmaq

<p>ASTANA. KAZINFORM &ndash; Tehnıkalyq jáne kásiptik bilim berý júıesin transformatsııalaý jol kartasy ázirlenip jatyr. Bul jaıynda Májilis depýtattarynyń saýalyna Mınıstrler kabıneti bergen jaýapta aıtylǵan.</p>

- Sheteldik jetekshi oqý oryndarymen jáne kompanııalarmen yntymaqtastyqty damytý tehnıkalyq jáne kásiptik bilim berý júıesin (budan ári - TjKB) damytýdaǵy basymdyqtardyń biri sanalady. Qazirgi ýaqytta Memleket basshysynyń 2024 jylǵy 2 qyrkúıektegi Joldaýyn iske asyrý maqsatynda Oqý-aǵartý mınıstrliginiń janyndaǵy jumys toby TjKB-ny transformatsııalaý jónindegi 2025-2027 jyldarǵa arnalǵan jol kartasyn ázirleýde. Onda aýyl sharýashylyǵy salasyn qosa alǵanda, daıarlaýdyń ártúrli beıinderi jáne fılıaldar ashý boıynsha TjKB uıymdarynyń sheteldik kolledjdermen strategııalyq áriptestigin damytýdy yntalandyrý jónindegi sharalar kózdeledi, - delingen jaýapta.

Mınıstrler kabıneti málimetinshe, zańnamaǵa Qazaqstan Respýblıkasynda halyqaralyq jáne sheteldik oqý oryndaryn jáne (nemese) olardyń fılıaldaryn qurý jónindegi tıisti túzetýler belgilengen tártippen Parlament Májilisine engiziletin bolady.

Buǵan deıin jekemenshik jáne memlekettik kolledj pedagogteriniń jalaqysy teńestiriletinin jazǵan edik.