Elimizdiń qaı óńirinde tótenshe jaǵdaı kóp bolady

<p>Elimizdegi kásiporyndarda tótenshe jaǵdaı kóbine Qaraǵandy oblysy, ShQO, Pavlodar oblysy, Qostanaı oblysy, Abaı oblysy sonymen qatar Almaty qalasynda bolady. Bul týraly QR Eńbek jáne halyqty áleýmettik qorǵaý mınıstrligi eńbek jáne halyqty áleýmettik qorǵaý komıtetiniń tóraǵasy Tólegen Ospanqulov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Osy kúnge qabyldanǵan sharalardyń nátıjesinde (2018-2022 jyldary) kásiporyndarda zardap shekkenderdiń úlesi 6,5%-ǵa, al ólim 8,4%-ǵa azaıdy. Bıyl 1 qarashadaǵy jaǵdaı boıynsha 1119 jumysshy zardap shekken. Kórsetkish ótken jylmen birdeı deýge bolady», - dedi Tólegen Ospanqulov Ortalyq kommýnıkatsııalar qyzmeti alańynda ótken baspasóz máslıhatynda.

Eńbek mınıstrligi ókili keltirgen málimetke sáıkes jumys oryndarynda qaıtys bolý 12% artqan (175 adam).

«Kásiporyndarda bolatyn tótenshe jaǵdaı kóbine Qaraǵandy oblysy, ShQO, Pavlodar oblysy, Qostanaı oblysy, Abaı oblysy sonymen qatar Almaty qalasyna tıesili. Jumys ornynda zardap shegetinderdiń azdaǵan bóligi taý-ken metallýrgııasy men qurylysqa salasyna tıisti», - deıdi spıker.

Buǵan deıin jyl basynan beri 15 kásiporyn jumysshylary ereýilge shyǵyp, jumysty toqtatqany týraly habarlaǵan edik.