Elimizdiń eń qart turǵyny bata berdi

<p>ASTANA. KAZINFORM &ndash; Elimizde qarttardyń deni Túrkistan oblysynda turady. Eń úlken qart &ndash; 114 jastaǵy Túımegúl Temirbaeva apamyz. Bul týraly Jibek Joly telearnasy habarlaıdy.</p>

Elimizde 100 jastan asqan 423 adam bar. Olardyń deni Túrkistan oblysynda turady. Bul óńirde bir ǵasyr jasaǵan 64 qarııa ómir súrip jatyr. Al, tizimde ekinshi bolyp Almaty qalasy tur, shaharda 48 adam tirkelgen. Egde jastaǵy kisilerdiń sany boıynsha úshinshi orynda Almaty oblysy, óńirdiń 38 turǵyny 100 jastan asqan.

Aıta ketsek, elimiz boıynsha qarııalardyń eń úlkeni – 114 jastaǵy Túımegúl Temirbaeva. Ol Ulytaý oblysynda turady. Odan soń 112 jastaǵy Pavlodar oblysynyń turǵyny Kúljamııa Ahmedıanova jáne 110 jastaǵy Túrkistan oblysynyń turǵyny Ýngaı Begbaeva.

«Otanymyz tynysh bolsyn, densaýlyǵymyz myqty bolsyn. Halqymyz aman, birligimiz bútin bolsyn», - dep batasyn berdi 114 jasqa kelgen Túımegúl Temirbaeva.

Aıta ketsek, Qazaqstan BUU standarty boıynsha qartaıǵan elder qataryna kiredi. 

Sondaı-aq, elimizde zeınetkerlerge qandaı áleýmettik qoldaý sharalary qarastyrylǵanyn tarqatqan bolatynbyz.