Elimizdiń bazarlarynda ımporttalǵan et satylmaıdy – AShM vıtse-mınıstri
«Atameken» UKP sezdaldy jıyny kezinde Kazinform tilshisi vıtse-mınıstrden ózimizde mal sharýashylyǵyna jetkilikti jaıylym, qolaıly klımat bola tura, Ýrýgvaı, Brazılııa sekildi alys shetelderden ne sebepti et tasıtynymyzdy, ol etter qaıda jumsalatyny jaıly suraǵan edi.
«Birinshiden, bul ımporttyń kólemi (jalpy elde tutynylatyn ettiń kólemine shaqqanda – red) az. Ne úshin biz et ımporttaımyz? Ýrýgvaı men Brazılııadan ákelinetin et – muzdatylǵan surp et (súıeginin sylynǵan et - red). Jarty usha bolyp keledi. Elimizge ákelingen soń ol qaıta óńdeýge jiberiledi: konservilengen et, buqtyrylǵan et jasalady. Ne úshin bundaı et qoldanylady deseńiz, bul ettiń ózindik quny áldeqaıda arzan túsedi. Al endi, ishki naryqqa shyǵatyn et – ol tek qazaqstandyq ónim. Bazarlarda satylatyn ettiń bári — aýyldaǵy sharýalardyń, otandyq fermerlerdiń ósirgen malynyń eti. Eshqandaı Ýrýgvaıdyń, Brazılııanyń eti onda satylmaıdy. Ondaı etti tek qaıta óńdeýmen aınalysatyn kásipkerler shıkizat retinde ákelip jatyr», - dedi vıtse-mınıstr.
Aıta keteıik, keshe «Atameken» UKP XII sezi ótti. Onda kásipkerlerdi tolǵandyrǵan suraqtar talqylanyp, 204 ózekti másele Úkimetke joldandy.
Sondaı-aq, búgin Astanada memlekettik organdardyń, bıznes-qaýymdastyq ókilderin jáne Qazaqstannyń barlyq óńiriniń tabysty kásipkerlerin biriktirgen «Adal azamat. Adal eńbek. Adal bıznes» shaǵyn jáne orta bıznes forýmy ótti.