Elimizdiń aýmaǵynda sý basqan úılerdiń sany belgili boldy

<p>ASTANA. KAZINFORM &ndash; Sý tasqynynan zardap shekken óńirlerge 167 935 keli gýmanıtarlyq kómek jetkizildi. Bul týraly QR Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash aıtty.</p>

«Sý tasqyny bastalǵaly beri 96 472 adam, onyń ishinde 31 640 bala qutqaryldy. Áýe kóligimen 2 823 adam, sonyń arasynda 865 bala qaýipsiz jerge jetkizildi. Ýaqytsha ornalasý pýnktterine 7 605 adam, onyń ishinde 3 474 bala ornalastyryldy», - dedi E. Saıpash Ortalyq kommýnıkatsııalar qyzmetindegi brıfıngide.

Onyń aıtýynsha, 82 559 bas mal qaýipsiz jerge aıdaldy.

«Zardap shekken óńirlerge 167 935 keli gýmanıtarlyq kómek jetkizildi. Birlesken kúshterdiń kómegimen 8,5 mln tekshe metrden astam erigen qar sýy shyǵaryldy. 1,3 mln qapshyq jáne 1,1 mln tonna ınertti materıal tóseldi. 2 750 turǵyn úı men 1 816 aýla aýmaǵynan sý aǵyzyldy. Táýlik boıy avarııalyq-qutqarý jumystaryna 24 295 adam, 2 655 tehnıka, 469 sý sorý jáne 139 júzý quraly, 10 áýe kóligi jumyldyryldy», - dedi vedomstvo ókili.

Onyń sózine qaraǵanda, dál qazirgi sátte Atyraý, Aqtóbe, Aqmola, Qostanaı, Soltústik Qazaqstan oblystarynda 3 444 jer úıdi, 336 aýla aýmaǵyn sý basyp turǵany anyqtaldy.

«Sý shaıǵan 105 avtojol, onyń ishinde 8 kópir men 97 jol tósemi baqylaýda tur. Kólik qatynasynsyz qalǵan 69 eldi meken baqylaýǵa alyndy. Respýblıkalyq jáne jedel shtabtar jumysyn jalǵastyryp jatyr. Barlyq kúsh pen quraldar tótenshe jaǵdaılardyń aldyn alý men joıýǵa jumyldyryldy», - dedi Erasyl Saıpash.