Elimizdiń alty oblysynda aýa raıyna baılanysty eskertý jarııalandy

<p>ASTANA. KAZINFORM &ndash; 2 qazanda Qazaqstannyń alty oblysynda kún raıyna baılanysty eskertý jarııalandy.</p>

Abaı aýdanynda ońtústik-shyǵystan soǵatyn jel baǵyty soltústikte kúndiz soltústik-batysqa aýysady, oblys ortalyǵynda jeldiń sekýndyna 15-20 metrge deıin soǵýy boljanyp otyr. Oblystyń soltústiginde, shyǵysynda jáne ortalyǵynda joǵary órt qaýpi saqtalady, al ońt.stik bóliginde óte joǵary órt qaýpi bar. Semeıde joǵary órt qaýpi saqtalady.

Aqtóbe oblysynda soltústik-shyǵystan jel soǵyp, soltústikte, shyǵysta, oblys ortalyǵynda ekpini 15-20 m/s deıin kúsheıedi. Oblystyń soltústigi men soltústik-shyǵysynda órt shyǵý qaýpi joǵary, oblystyń basym bóliginde óte joǵary órt qaýpi saqtalady. Aqtóbede soltústik-shyǵystan jel soǵady, kúndiz ekpini 15-20 m/s. Órt qaýpi áli de joǵary bolady.

Shyǵys Qazaqstan oblysynyń soltústiginde, batysynda, ońtústiginde jáne ortalyǵynda joǵary órt qaýpi saqtalady. Óskemende de órt shyǵý qaýpi joǵary.

Qaraǵandy oblysynda soltústik-shyǵystan jel soǵyp, kúndiz oblystyń batysy men soltústiginde baǵyty soltústik-batysqa aýysady, ekpini 15-20 m/s. Oblystyń basym bóliginde joǵary órt qaýpi saqtalady, oblystyń batysy men shyǵysynda óte joǵary órt qaýpi bar.

Qostanaı oblysynda oblystyń batysynda, ońtústiginde, shyǵysynda soltústik-shyǵystan soǵatyn jeldiń ekpini 15-20 m/s deıin jetedi. Oblystyń ońtústiginde joǵary órt qaýpi saqtalady.

Qyzylorda oblysynyń basym bóliginde óte joǵary órt qaýpi saqtalady, oblystyń soltústik-batysynda da órt qaýpi joǵary. Qyzylordada óte joǵary órt qaýpi saqtalady.