Elimizdiń 8 óńirinde aýa raıyna baılanysty eskertý jarııalandy

<p>ASTANA. KAZINFORM &ndash; Cınoptıkter Qazaqstannyń 8 óńirinde kún raıyna baılanysty eskertý jarııalady.&nbsp;</p>

«Qazgıdromet» RMK aqparatyna sáıkes, 25 qańtar kúni Shymkentte qar aralas jaýyn-shashyn kútiledi. Tuman túsýi yqtımal. Kúndiz ońtústik-batystan pen soltústik-batystan soǵatyn jeldiń ekpini - 15-20 m/s. 

Abaı oblysynyń batysynda, ońtústiginde jáne ortalyǵynda qarly boran bolady. Batysta, ońtústikte, oblys ortalyǵynda jel turady. Shyǵystan, ońtústik-shyǵystan soǵatyn jeldiń ekpini - 15-20, 25 m/s. 

Qaraǵandy ​​oblysynyń batysynda, soltústiginde jáne ońtústiginde burqasyn kútiledi. Al oblystyń shyǵysynda tuman túsýi yqtımal. 

Qostanaı oblysynda qar jaýady, oblystyń ońtústigi men shyǵysynda burqasyn, tuman kútiledi. 

Qyzylorda oblysynda qar jaýady dep boljanýda. Oblystyń shyǵysy men ońtústiginde ortalyqta kóktaıǵaq, tuman bolady. Qyzylorda qalasynda kóktaıǵaq kútiledi. 

Ulytaý oblysynyń soltústigi men shyǵysynda burqasyn bolýy yqtımal. Kúndiz oblystyń shyǵysynda ońtústik-shyǵystan jel soǵady, ekpini - 15-20 m/s. 

Soltústik Qazaqstan oblysynyń basym bóliginde kúndiz qar jaýady. Túnde oblystyń ońtústiginde, batysynda, kúndiz ońtústiginde, batysynda jáne soltústiginde burqasyn kútiledi. Túnde jáne tańerteń oblystyń soltústik-batysynda tuman túsedi.  

25 qańtarda tańerteń jáne kúndiz Túrkistan oblysynyń ortalyǵynda, taýly jáne taý bókterindegi aýdandarda qatty jaýyn-shashyn (jańbyr, qar), kóktaıǵaq kútiledi. Oblys ortalyǵynda, ońtústiginde, batysynda, taýly jáne taý bókterindegi aýdandarda tuman túsedi. Túrkistanda tańerteń jáne kúndiz kóktaıǵaq, tuman kútiledi. Ońtústik-batystan soǵatyn jel tańerteń soltústik-batysqa aýysady, kúndiz ekpini - 15-20 m/s.